Maraqlı

Daha 2 Redmi olacaq

24 Yanvar 2019 07:41
0 Şərh     Baxış: 878
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bir neçə müddət bundan öncə Xiaomi şirkəti Redmi brendinin ilk smartfon modeli Note 7-ni təqdim etmişdi. Lakin şirkət bununla kifayətlənmək niyyətində deyil. Belə ki, Mysmartprice saytının mənbələrinin verdikləri məlumatlara əsasən yaxın zamanda Hindistanda sözügedən brendin daha 2 smartfon modeli satışa çıxacaq. Onlardan biri Redmi Note 7 Pro, ikincisi isə büdcəli Redmi Go modeli olacaq.

Çox güman ki, Redmi Go sözügedən brendin ən ucuz smartfon modeli olacaq və Android Pie (Go Edition) əməliyyat sistemi vasitəsilə çalışacaq. Bu, aşağı texniki göstəricili smartfonlar üçün nəzərdə tutulmuş xüsusi əməliyyat sistemi versiyasıdır. Bundan əlavə olaraq məlumata əsasən Redmi Go modeli 5.9 düym ekrana sahib olacaq. Nəzərə alsaq ki, Redmi Note 7-nin qiyməti 150$-dır, çox güman ki, Redmi Go-nun qiyməti 100$-dan aşağı olacaq.

Milli.Az technote.az-a istinadən bildirir ki, Redmi Note 7 Pro-ya gəldikdə isə onun varlığı barəsində məlumat hələ Redmi Note 7-nin təqdimatında yayılmışdı. Belə ki, Redmi Note 7 Pro modeli Redmi Note 7-nin bir qədər təkmilləşdirilmiş versiyası olacaq. Smartfon Snapdragon 675 prosessoru və Sony IMX586 matrisalı 48 MP-lik arxa kamera ilə təchiz olunacaq. Hər iki smartfon modelinin fevral ayında satışa çıxacağı güman edilir. Qeyd etmək lazımdır ki, Redmi Note 7-yə tələbat çox yüksəkdir. Belə ki, 100.000 cihazdan ibarət ilk Redmi Note 7 tirajı 8 dəqiqə ərzində satılıb. Bu cür templə Xiaomi şirkəti bu ayın sonuna kimi 1 milyon Redmi Note 7 smartfonu satmağı planlaşdırır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.