Maraqlı

Bred-Şarliz münasibətinin pərdəarxası - FOTO

22 Yanvar 2019 14:15

0 Şərh Baxış: 1 166

#MARAQLI #TÜRKİYƏ #MƏŞHURLAR

Amerikanın nüfuzlu "People" jurnalı Hollivudun iki məşhur siması - Bred Pitt və Şarliz Teronun gündəmdən düşməyən sevgi münasibətindən yazıb.

Milli.Az qafqazinfo-ya istinadən xəbər verir ki, dərgidə Pitt-Teron cütlüyünün sevgi hekayəsinin detalları barədə məqalə dərc olunub.

Nəşrə görə, iki kino ulduzu 6 ay bundan əvvəl yaxınlaşmağa başlayıblar. Onlar "Breitling" brendinin reklam çarxına birgə çəkiliblər, bundan sonra yaxın dost olublar.

"Entertainment Tonight" isə iddia edir ki, cütlük hələ sevgili olmağa hazır deyil: "Onlar uzun illərdir ki, bir-birilərini tanıyırlar. Çəkilişdən sonra dostluqları güclənib. Cütlük müxtəlif mövzularda söhbət edir, tez-tez ünsiyyətdə olurlar. Bred və Şarliz ciddi münasibətə hazır deyillər. Ancaq onlar Hollivudun çox maraqlı cütlüyü ola bilərlər, lakin indi yaxşı dostdurlar".

Amerika və İngiltərə KİV-lərinin əskəriyyəti isə onların sevgi xəbərinin uydurma olduğunu, yalançı və uğurlu PR hesab edir.

Bu məqamda bildirək ki, gündəmin qəhrəmanları isə mövzu barədə hələlik rəsmi açıqlama verməyiblər.

Milli.Az