PUL
.jpg)
.png)
Mobil telefon və kredit kartları üçün çip istehsalçısı "Gemalto" şirkətinin araşdırmasına görə, 2018-ci ildə şirkətlər "Əşyalar interneti"nin (IoT) təhlükəsizliyi üçün blokçeyn texnologiyasından iki dəfə daha çox istifadə ediblər.
Milli.Az ICTnews-a istinadən bildirir ki, müxtəlif ölkələrdə biznes və informasiya texnologiyaları üzrə qərarların qəbuluna məsuliyyət daşıyan təxminən 950 rəhbər arasında sorğu keçirilib. Respondentlərin 23%-i "IoT" avadanlıqların təhlükəsizliyinin təmini üçün blokçeyn texnologiyasını mükəmməl həll hesab edirlər. Həm də hazırda sözügedən texnologiyanı tətbiq etməyən təşkilatların 91%-i gələcəkdə ondan istifadə etmək barədə düşünürlər.
Yaxın Şərq ölkələrində keçirilmiş sorğu iştirakçılarının 73%-i bildirib ki, onlar "Əşyalar interneti"nin təhlükəsizliyinin təmini üçün blokçeyn texnologiyasından istifadəni öyrənməyə çalışırlar. Hindistanda belə respondentlərin sayı 68%, ABŞ-da isə 56% təşkil edib.
Rəyi soruşulmuşların 29%-i bildirib ki, "Əşyalar interneti"nin təhlükəsizliyinin təmini üçün biometrik məlumatlardan istifadə edirlər, 40% isə bunu planlaşdırır.
Respondentlərin 71%-nin sözlərinə görə, onların şirkəti "IoT" məlumatlarını şifrləyir. Şirkətlərin 66%-i paroldan, 38%-i isə ikimərhələli autentifikasiyadan istifadə edirlər.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
