Maraqlı

Siqareti tərgidəndə nə baş verir?

12 Yanvar 2019 23:25

2 Şərh Baxış: 5 066

#SAĞLAMLIQ

Heç şübhəsiz ki, siqaret dünyamızın ən böyük bəlalarından biridir. Çünki insan öz əli ilə pul xərcləyərək canına "düşmən" olur. Bəziləri yeməsə də, içməsə də siqaretsiz gün keçirməyi təsəvvür etmir. Tütün artıq onların həyatının ayrılmaz bir hissəsinə çevrilib. Bir çoxları bu zərərli vərdişdən çəkinmək əvəzinə, onun "faydalarını" da əsaslandırmağa çalışırlar.

Milli.Az foodinfo.az-a istinadən bildirir ki, siqaretdən imtina etdikdən sonra bədəndə bir çox müsbət proseslər baş verir.

- Nəfəsalma daha rahat olur;

- Qan dövranı normala qayıdır;

- Qandakı oksigen miqdarı normal vəziyyətinə gəlir. İnfarkt keçirmə riski azalır;

- Siqareti tərgidəndən 1 gün sonra bədən karbonmonoksiddən təmizlənir;

- 2 gün sonra isə qandakı nikotin miqdarı azalır. Dad və qoxu hissiyatı artır;

- 3 gün sonra nəfəs yollarının rahatlaşması nəticəsində tənəfffüs sistemi özü-özünü bərpa etməyə başlayır;

- 2-12 həftə aralığında bədəndə mübadilə prosesi düzəlir, infeksiyalara qarşı müqavimət artır. Yeriyərkən yorulma və təngənəfəsllik aradan qalxır;

- 3-9 həftə aralığında öskürək və boğaz yolunda xırıltılı danışmaq problemləri azalır. Ağciyərlər funksiyasını 10 faiz daha da artırmış olur;

- 1 ildən sonra isə koronar ürək xəstəliyi riski yarıya enir;

- 1-3 il aralığında sidik kisəsi xərçəngi riski də 50 faiz azalır;

- 10-15 il sonra isə infarkt riski ümumiyyətlə siqaret istifadə etməyənlərlə eyni səviyyəyə gələr.