Maraqlı

Nexus adlı hava taksisi təqdim olundu - VİDEO

12 Yanvar 2019 07:51
0 Şərh     Baxış: 861

Uber şirkəti ilə əməkdaşlıq edən vertolyot istehsalçısı Bell şirkəti qısa məsafəli uçuşlar üçün nəzərdə tutulmuş hava taksilərinin istifadəyə verilməsini planlaşdırır. Hal hazırda Las Veqasda keçirilən CES 2019 sərgisində Bell şirkəti özünün hava taksisi nəqliyyatını sərgiləyib. Bu barədə Hightech.plus saytı xəbər verib. Şirkətin hazırladığı ilk aerotaksi prototipinin adı Nexus-dur və o, 5 nəfər sərnişin üçün nəzərdə tutulub. Nexus modelinin daxilində 4 nəfər adi sərnişin və bir nəfər pilot yerləşə bilər. Bununla yanaşı aerotaksi modelinin ümumi çəki qaldırma qabiliyyəti 272 kq-dır.

Milli.Az technote.az-a istinadən bildirir ki, bu hava nəqliyyatı növü elektriklə çalışan 6 pərdən ibarətdir. Onların vasitəsilə Nexus şaquli şəkildə uçuş və enişi reallaşdırır. Bunun sayəsində aerotaksi üçün ayrıca uçuş zolağı lazım deyil. Bunun yerinə onun üçün kiçik vertolyot meydançası da kifayət edir. Qeyd etmək lazımdır ki, daha öncədən Bell şirkəti Uber Elevate layihəsi ilə əməkdaşlıq müqaviləsi bağlamışdı. Bu layihə Uber tərəfindən yaradılıb və müxtəlif növ hava nəqliyyatının inkişafı üçün nəzərdə tutulub.

Gözləntilərə əsasən Bell şirkətinin ilk aerotaksi modelləri artıq 2020-ci illərin ortalarında istifadəyə veriləcək. Nexus, Bell şirkətinin hava nəqliyyatı üzrə yeni model seriyası olacaq. Şirkət təkcə sərnişin daşınmaları ilə kifayətlənmək niyyətində deyil. Belə ki, şirkət özünün hazırladığı aerotaksilər vasitəsilə müxtəlif növ yüklərin daşınmasını reallaşdırmağı da planlaşdırır. Bura həmçinin hərbi məqsədli yüklər də daxildir.

Qeyd etmək lazımdır ki, Bell artıq uzun illərdir ki, ABŞ ordusunu uçuş aparatları ilə təmin edir. Məlumata əsasən Nexus saatda 240 km sürətlə hərəkət edə bilir. Onun qətt etdiyi yol isə 240 km-dir. CES 2019 sərgisində şirkət Nexus aparatının yalnız prototipini təqdim edib. Aparatın işlək versiyası isə bir qədər sonra yəni, aerotaksinin kommersiya məqsədli startına yaxın müddətdə təqdim ediləcək. Qeyd etmək lazımdır ki, hal hazırda uçan taksi layihəsi üzərində 19 şirkət çalışır. Onların arasında Airbus və Boeing kimi məşhur şirkətlər də var.

Milli.Az

Videonu izləmək üçün şəklə klikləyin:
Nexus adlı hava taksisi təqdim olundu

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.