Maraqlı

"Brabham" Le-Mana qayıdır

11 Yanvar 2019 22:25
0 Şərh     Baxış: 288

Ötən il "Brabham Automotive" şirkəti 700 atmosfer gücü olan 5,4 litr həcmli V8 mühərriki ilə təchiz olunmuş "BT62" super avtomobilini təqdim etmişdi. Ondan əvvəl elan edilmişdi ki, "Brabham"ın zavod komandası bu avtomobillə artıq 2021-2022-ci illərdən başlayaraq "GTE" kateqoriyasında dözümlülük baxımından "FIA WEC" dünya çempionatında iştirak etməyi planlaşdırır.

Milli.Az AZƏRTAC-a istinadən bildirir ki, avtomobillərin testləri artıq neçə aydır keçirilir. Komandaya Devid Brebem rəhbərlik edir. Qarşıdakı çıxışı şərh edən Brebem deyib: "Mən bir neçə il "Brabham"ın Le-Mana qayıtması üzərində işləmişəm. Əlamətdar haldır ki, hazırda biz bunu rəsmən elan edirik.

2018-ci ilin mayında "Brabham Automotive" özünün ilk avtomobilini təqdim edib. Bizim Le-Mana qayıtmazdan əvvəl görəcəyimiz işlər çoxdur. Biz yürüşlərdə iştirakla bağlı uzunmüddətli layihəyə başlayırıq. Biz yürüş sənayesinin aparıcı mühəndis və istedadlı mütəxəssisləri olan dünya səviyyəli rəqabətqabiliyyətli komanda hazırlamağa şərait yaradacaq "BT62"nin və gələcək məhsulların inkişafını səbirsizliklə gözləyirik".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.