Maraqlı

Planetin bəzi regionlarında hələ orta əsrlərdən başlayan qlobal soyuqlaşma prosesi gedir

11 Yanvar 2019 21:35
0 Şərh     Baxış: 736

Qlobal istiləşmə ilə bağlı ümumi iqlim dəyişiklikləri Dünya okeanı sularının tədricən qızmasına səbəb olur.

Milli.Az AZƏRTAC-a istinadən bildirir ki, bu yaxınlarda Harvarddan olan tədqiqatçılar qrupu Sakit okeanda tam sürətlə əks prosesin getdiyi unikal region aşkarlayıblar.

Alimlərin fikrincə, suyun soyumasına səbəb təxminən 1500-cü ildə başlayan və XIX əsrin ortalarınadək davam edən Kiçik buz dövrü olub. Suyun soyuq kütlələri uzun müddət səthdə qalıb, lakin getdikcə təxminən iki min metr dərinliyinə çəkilib. Sakit okeanın nəhəng ölçüləri nəzərə alınarsa, bu proses yüz və hətta min illərlə davam edə bilər.

İlk okeanoqrafiya ekspedisiyası XIX əsrin ikinci yarısında təşkil edilib. O vaxt "HMS Challenger" adlı taxta yelkən gəmisi ilə yola düşən alimlər qrupu müxtəlif dərinliklərdə suyun hərarətinin beş minə yaxın ölçüsünü götürüblər.

Artıq bu günümüzdə tədqiqatçılar son göstəriciləri "HMS Challenger"dəki ekspedisiya zamanı alınan ölçülərlə müqayisə edərək, Kiçik buz dövrünün soyuq okean kütlələrinin hərəkətini (yüklənməsini) izləyə biliblər.

Toplanılan məlumat iqlimin planetar dəyişikliklər dinamikasını və onların ehtimal edilən nəticələrini daha yaxşı başa düşməkdə alimlərə kömək olacaq.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.