Maraqlı

Ölən yaxınlarınızın qəbri üstündə edilən dualar tez qəbul olar

12 Yanvar 2019 20:10
1 Şərh     Baxış: 1 306

Duaların qəbul olduğu mühüm məkanlardan biri - Məsumların (ə) və İmamzadələrin hərəmləridir. Bundan əlavə, hədislərimiz bəyan edir ki, möminlərin, ata və ananın, alimlərin, saleh insanların, şəhidlərin qəbirləri yanında edilən dualar da tez qəbul olar.

Milli.Az deyerler.org-a istinadən bildirir ki, Fəxr Razi möminlərin qəbri kənarında edilən dualar haqqında yazır ki, nə zaman qədim böyük alimlərdən birinin davamçıları elm sahəsində bir çətinliyə düşsə idilər, onun qəbrinin kənarına gedib, orada bəhslər edərdilər. Sonra da həmin məsələnin həlli kəşf olardı. Necə ki, alim və zahidlərin qəbirləri kənarında edilən dualar kimi.

Əhli-təsənnün alimlərindən olan İbni Hibban nəql edir: "Dəfələrlə İmam Rzanın (ə) hərəmini ziyarət etməyə getmişəm. Tusda olan zaman çətinliyim olan kimi, o Həzrətin (ə) ziyarətinə gedər, Allahdan çətinliyimi həll etməsini istəyərdim. Əlhəmdulilləh, çətinliyim həll olardı".

İmam Əli (ə) buyurur: "Ailə və nəslinizin ölülərini ziyarət edin. Çünki onlar sizin ziyarətiniz ilə şadlanarlar. Bununla yanaşı, münasibdir ki, qəbir əhlini ziyarətlə birlikdə, Allahdan istədiyiniz hacəti dua edəsiniz".

Milli.Az

loading...

Şərh yaz:

1 Şərh:

  • Anonim
    ... · 12 Yanvar 21:1310

    Duanin qebulu ucun harasa getmeye ehtiyac yoxdu Allah qulunun duasini her yerde ewidir.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.