Maraqlı

Vuzix-ın eynəyi smartfonla işləyəcək

10 Yanvar 2019 08:21
0 Şərh     Baxış: 519

"Vuzik" şirkəti ötən il korporativ müştərilər üçün artırılmış reallıq eynəyi modelini təqdim etmişdi, indi isə həmin modelin istifadəçi versiyası üçün ilkin sifariş əlçatandır. 1000 dollar ödəyərək sözügedən artırılmış reallıq eynəyini 4-6 həftə sonra əldə etmək mümkündür.
 
Milli.Az ICTnews-a istinadən bildirir ki, "Blade" eynəyi avtonom iş üçün nəzərdə tutulmayıb: "Android" sisteminin idarəetməsi altında olan smartfon və "iPhone" ilə birgə işləyir. İstifadəçilər linzadan parlaq rəngli təsvirlərdən ibarət dünyaya baxa, poçtu yoxlaya, restoranlarda menyunu öyrənə, mesajları oxuya, oxuducuları idarə edə, yol xəritələrini araşdıra və bəzi hallarda səsli əmrlər verə biləcək.
 
Şirkət "Amazon Alexa" və "Google Assistant" dəstəyinə söz verir, daxili kamera 8 meqapiksellik təsvir ölçüsündə şəkillər çəkə və 720p formatında video yaza bilər.
 
"Blade" eynəyi 4 nüvəli "ARM" prosessoru və başın hərəkətini izləmək üçün daxili hiroskopa malik "Android" sisteminin xüsusi versiyası ilə təchiz edilib. "Bluetooth", "Wi-Fi" modulları, məlumatların saxlanılması üçün "microSD" slotu var.
 
Əlavə 200 dollar ödəməklə eynəyə görmə korreksiyasına malik linzalar taxmaq mümkündür.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.