Maraqlı

Dünyada smartfonların satışı azalmağa başlayıb

18 Dekabr 2018 08:25
0 Şərh     Baxış: 1 417
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"IDC" analitik şirkəti 2018-ci il üçün beynəlxalq smartfonlar bazarı üzrə proqnoz dərc edib.  

Milli.Az Ictnews-a istinadən bildirir ki, analitiklərin gözləntisinə görə, bu il smartfonların satış həcmi 2017-ci illə müqayisədə azalacaq.

Məlumata görə, cari ildə smartfonların tədarükü 2017-ci ildəki 1,47 milyarddan 1,42 milyardadək (3 faiz) azalıb. Bununla yanaşı, mütəxəssislərin proqnozuna görə, 2019-cu ildə vəziyyət düzələcək və smartfonların satışı minimum 2,6 faiz yüksələcək. Uzunmüddətli perspektivdə - 2022-ci ilədək isə smartfonların satış həcminin 1,57 milyardadək artacağı gözlənilir.  

Bundan başqa, analitiklər tərəfindən böyük ekranlı smartfonların bazar payının artacağı proqnozlaşdırılır. 5,5 düymdən böyük ekrana malik modellərin satışı 947,1 milyonadək artaraq 2018-ci ilin bütün satış həcminin 66,7 faizini təşkil edəcək. Müqayisə üçün: 2017-ci ildə belə smartfonların satışı 623,3 milyona və ya 42,5 faizə bərabər olub, 2022-ci ilədək isə onların payının 87,7 faiz və ya 1,38 milyard təşkil edəcəyi proqnozlaşdırılır. 

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.