Maraqlı

Bel çəkdirməklə hamilə qalmaq olar? -

8 Dekabr 2018 22:15
2 Şərh     Baxış: 1 467

Hər ailə quran cütlük övlad sahibi olmaq istəyir. Bəzi ailələrdə hamiləlik tez baş tutsa da, bəzilərində müəyyən səbəblərdən ötrü alınmır. Bu zaman isə əksər qadınlar ya həkimə müraciət edir, ya da bəzi ara sözləri dinləyərək tibdənkənar üsullara əl atırlar.

Belə üsullardan biri isə əksər qadınların üz tutduğu bel çəkmədir. Bəzi evliliklərdə hətta qayınanalar gəlinləri bel çəkdirməyə məcbur edirlər. Bu üsulla tez bir zamanda qadının hamilə qalacağı düşünülür.

Bəs bunun elmi əsası varmı?

Mövzu ilə bağlı medicina.az-a açıqlama verən ginekoloq Ləman Əkbərova belə müalicə üsulunun heç bir effektinin olmadığını bildirib: "Çünki belə diaqnoz tibdə yoxdur. Heç bir əsası olmadan durduq yerdə qadının belinin çəkilməyi yanlışdır. Qadın boş yerə vaxtını itirir. Lazımi olan müalicənin vaxtını gecikdirir. Belə ara həkimlərin tibdən, qadın anatomiyası və fiziologiyasından heç bir xəbəri yoxdur".

Mütəxəssis qadınların evliliyinin ilk 1-2 ayında hamilə qalmayan kimi müalicəyə başlamalarını da düzgün hesab etmir.

Bəs qadın nə zaman həkimə müraciət etməlidir?

Ginekoloq sağlamlıqla bağlı hansısa problemi olmayan qadının ilk 1 ili gözləməli olduğunu vurğulayıb: "Uşaqlığında problemi olmayan gənc qadınlar ilk 6 ay və 1 il gözləyə bilərlər. Bədən bu zaman ərzində özünü yeniləyir. Hamilə qalmamaq normal sayıla bilər.

Dəfələrlə cinsi münasibətdə olduğu təqdirdə bir il ərzində heç hamiləlik olmayıbsa, bu zaman sonsuzluğu düşünmək olar.

Əgər yaş 35-dən yuxarıdırsa və ya hansısa problemi varsa, bu zaman vaxt itirmədən həkimə müraciət edilə bilər. Diaqnoza əsasən də müalicə başlaya bilər".

Ləman doktor bəzi həkimlərin də yanlış diaqnoz qoyduğunu bildirib.

"Normal olaraq qadınların çoxunda uşaqlıq önə doğru əyri olur. Qadınlar beləliklə asanlıqla hamilə qalırlar. Bu, tamamilə normal haldır.

Bəzi həkimlər uşaq olmamağın səbəbini uşaqlığın əyilməsində görürlər. Uşaqlığın əyilməsi sonsuzluğun səbəbi sayılmır. Tibdə fiksə olunmuş əyriliklər deyilən termin var ki, bu zaman uşaqlığın əyriliyi sonsuzluğun səbəbi sayıla bilər. Fiksə olunmuş dediyimiz  əyriliklər boruların tutulmasına gətirib çıxara bilər. Bu zaman da yumurta hüceyrəsi boruya düşə bilmir.

Ancaq əsas olaraq qarın boşluğunda olan bitişmələr və ya uşaqlığın divarında olan hansısa törəmə sonsuzluğun əsas səbəbi sayılır.

Buradan görə bilərik ki, uşaqlığın əyriliyi sonsuzluğun səbəbi deyil, sonsuzluğa səbəb olan faktorun nəticəsidir", - deyə Əkbərova qeyd edib.

Milli.Az

loading...

Şərh yaz:

2 Şərh:

  • Anonim
    nina · 8 Dekabr 23:0041

    olur ikidefe cekdirmisem hemin ayda qalmisam bu ayda cekdirmisem gorek insallah

    Cavab yaz
  • Anonim
    Qumru · 9 Dekabr 00:1710

    Inanmiram.Baldizim bel cekdirmekden beli duwmuwdu daha. 5 il idi ovladi olmurdu. Yawi da 38 idi. Kistadan emeliyyat olundu. Cox wukur 6 aydan sonra indi hamiledi artiq. Allah arzusunda olanlara qismet elesin.Amin.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.