Məşhur amerikalı rəssam və perfomans ustası Ron İnqliş dünyanın ən mistik rəssamlarından sayılan, kimliyi bilinməyən britaniyalı rəssam Benksinin "Qul əməyi" (Slave Labour (Bunting Boy) əsərini satın alıb.
Milli.Az Art House-a istinadən bildirir ki, İnqliş 730 min dollara satın aldığı əsəri ağ boya ilə boyamaq niyyətindədir. O, küçə sənətinin, qraffiti şedevrlərinin satışına bu minvalla etiraz edir.
İnqliş boyadığı əsəri evində divardan asacaq.
"İnsanların əsərərimizi küçələrdən oğurlayıb satmalarından usanmışıq. Bu səbəbdən də apara biləcəyim nə varsa, satın alacağam və ağ boya ilə boyayacağam", - İnqliş deyib.
Benksi "Qul əməyi" əsərini 2012-ci ildə Londondakı dükanlardan birinə çəkmişdi. Əsərdə paltartikən maşında Britaniya bayrağı tikən oğlan təsvir olunub. 2013-cü ildə "Fine Art Auctions" hərrac evi qraffiti suvaqla birlikdə divardan qopararaq satıb.
Milli.Az