Türkiyədə küçə satıcısı ilə bağlı sosial şəbəkələrdə yayılan video narazılıq doğurub.
Milli.Az haberler-ə istinadla bildirir ki, Türkiyənin Denizli şəhərində səyyar satıcıya yaxınlaşan polis onun əlindəki pambıqları yerə ataraq tapdalayıb.
Görüntülər sosial şəbəkədə yayılıb, etirazlara səbəb olduğuna görə həmin polis işçiləri vəzifəsindən kənarlaşdırılıb.
Səyyar satıcı İHA-ya açıqlama verərək hadisə ilə bağlı danışıb. O bildirib ki, ifadəsində polisin işdən çıxarılmaması üçün əlindən gələni edib.
"Onun da ailəsi, uşağı var. İşindən çıxarılmasın deyə onun tərəfini tutdum", - 21 yaşlı Ömer D. söyləyib.
Emin
Milli.Az