Maraqlı

İnsanı ölümə aparan aterosklerozun səbəbi, müalicəsi – XÜSUSİ DİETA

18 Oktyabr 2018 21:50
0 Şərh     Baxış: 4 454
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan əhalisinin çox hissəsi 40 yaşından sonra ateroskleroz - damar tıxanıqlığı, qan dövranı pozğunluğundan əziyyət çəkir. İnsanlar çox dərdi üçün həkimə gedir, amma damarlarını yoxlatmaq yadlarına düşmür.

Milli.Az medicina.az-a istinadən bildirir ki, daha çox kişi cinsini əhatə edən aterosklerozun əsas səbəbləri: qeyri-sağlam qidalanma, yağlı qidalar, siqaret, oturaq həyat tərzi - daha çox sürücüləri yaxalayır, artıq çəki, arteriay təzyiq, stress və genetik amillərdir.

Aterosklerozun ilkin əlamətləri artıq 30 yaşından özünü göstərməyə başlayır.

Qarşısını almaq yolları

Bunun üçün müntəzəm olaraq qanın laxtalanması, qanda xolesterin, lipod protein analizi aparılmalıdır. Çox miqdarda ət, yağ, süd məhsulları yeyən insanlarda doymuş yağlar çox olur.

Qarşısını almaq üçün daima hərəkət, gündə müəyənə kilometr piyada getmək, su içmək, həmçinin düzgün qidalanma rejimi seçmək lazımdır.
Aterosklerozu olanlar üçün 2 mərhələli xüsusi dietalar hazırlanıb. Bu menyudakı ərzaqları hər gün qəbul etmək riski azaldır.

Pəhriz -1

Qərb ölkələrində bütün həkimlərin təyin etdiyi dietadır. Menyudan kəskin və qəfil olaraq yumurta sarısı, qaraciyər, sala, kərə yağı, pendir, xama, yağlı ət çıxarılır. Süd yalnız 1% yağlılıqda icazə verilir.
Yeməklər yalnız zeytun yağında hazırlanır.

Toyuq, hidn quşu əti dərisiz, yağsız mal əti, yağsız quzu əti hissələri yeyilə bilər.
Bütün növ balıqları yemək mümkündür.
Rasionda hər gün kartof, badımcan, buxarda və ya suda bişirilmiş tərəvəzlər, paxlalılar, mərci, noxud, lobya olmalıdır.

Pəhriz -2

Daha çətindir, ağırdır. Ateroskleroz xəstələrinə təyin edilir.
Yağlar, ət, yumurta, süd tamamilə qidadan çıxarılır.
Yağsız pendir, kəsmik, paxlalılar, yarmalar, balıq, toyuq yeyilir.

Bu pəhrizlər qanda lipidi aşağı salan ağır dərmanlardan daha zərərsizdir.
Biyan kökü bitkisi, sürvə, valerian, pustırnik, yapon saforası kimi dərman bitkiləri və cövhərlər də ateroskleroz üçün uyğundur.

Diaqnoz

Ateroskleroz gizli və uzun müddətə simptomsuz inkişaf edir. Lakin müasir müayinə metodları xəstəliyi erkən mərhələdə təyin edir. Bunun üçün arteriyaların dopleroqrafiyasından keçmək lazımdır. Bu metodla damarların tıxanıqlığı, tromblar, qan dövranı pozulmaları aşkarlanır.
Ürək damarlarının vəziyyətini öyrənmək üçün koronoqrafiya - xüsusi rentgendən istifadə olunur.

Müalicəsi

Ən effektiv metod cərrahi müdaxilədir. Az travmatik üsul ballon angioplastikasıdır. Damarların daxili ballonla genişləndirilməsi.
Eləcə də çoxsaylı dərman müalicə preparatları var.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.