Maraqlı

Hərbçi modelimizi hicabda görənlər gözlərinə inanmayıblar

12 Oktyabr 2018 20:52
2 Şərh     Baxış: 3 252
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"II Vice Mrs. Top of the World-2015" titulunun sahibi, Azərbaycanın xüsusi təyinatlı hərbi qulluqçusu Tehranə Bəhruzi öz imicini dəyişərək sosial şəbəkələrdəki bütün izləyicilərini şoka salıb.

Milli.Az Sputnik Azərbaycan-a istinadən bildirir ki, Bəhruzi hicab geyinərək çəkdirdiyi şəkilləri "Facebook"-da paylaşıb.

Onun hicablı şəkilləri izləyicilərini heyrətləndirib. Sonra məlum olub ki, model öz imicini sadəcə yeni fotolayihədə iştirak etmək üçün dəyişib. Bəhruzi fotolarda müxtəlif məşhur brendlərin gəlinlik paltarlarını geyinib və həmçinin hicablı qızlar üçün geyimləri də reklam edib.

Qeyd edək ki, Bəhruzi beynəlxalq gözəllik müsabiqələrində iştirak etmək niyyətindədir. O, bununla yanaşı xüsusi təyinatlı qoşunda xidmətini davam etdirəcək.

Bütün bunlarla yanaşı, Tehranə öz həyatından bəhs edən avtobioqrafik kitab yazır. O, bu kitabda anlatdıqları ilə orduda xidmət etməkdən qorxan bir çox qıza nümunə olmaq istəyir.

Bəhruzi vətənpərvərlik mövzusunda çəkilmiş "Mübarizə" bədii filmində baş rola çəkilib. Filmin premyerası yaxın vaxtlarda olacaq.

Azərbaycanın Xüsusi Təyinatlı Qüvvələrinin ehtiyatda olan hərbi qulluqçusunun bu il müdafiə naziri Zakir Həsənova həsr etdiyi "İdeal nazir - Zakir Həsənov" kitabı çapdan çıxıb. Kitab bədii elementlərlə birlikdə avtobioqrafik xarakter daşıyır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.