Maraqlı

Allahın əzəmətli adı hərf və söz halında deyil

11 Oktyabr 2018 23:10
0 Şərh     Baxış: 1 209

Bəziləri belə düşünür ki, Allahın əzəmətli adı (ismi-əzəm) hərf və sözlərdən ibarətdir. Hər kim onu əldə edərsə, başqalarının edə bilmədiyi fövqəladə işləri görə bilər. Ancaq bu cür düşünən insanlar yanlış yoldadırlar.

Belə ki, Əllamə Təbatəbai bu haqda buyurur: "Allahın əzəmətli adı ki, hər şeyə hakim ola bilir - hərf və söz halında ola bilməz".

Milli.Az deyerler.org-a istinadən bildirir ki, Ayətullah Cavadi Amuli buyurur: "Allahın əzəmətli adını hərflər və sözlər arasında axtarmaq - hasili olmayan əziyyət və faydası olmayan səydir".

Ona görə də deyə bilərik ki, Allahın əzəmətli adı söz və ya hərfdənibarət deyildir, əslində elə mənəvi məqamdır ki, ancaq kamil insanlar onu əldə edə bilərlər. Necə ki, çıraq sözü qaranlıqları aydınlandırmır, Allahın əzəmətli adını söz şəklində axtarmaq da səmərəsizdir.

Bələm Bauri bu məqamı əldə etmişdi. O, duaları qəbul olan insanlardan idi. Çünki Allahın əzəmətli adını bilirdi. Lakin nəfsinə məğlub olduğu üçün Allah bu neməti ondan alır və bir daha duaları qəbul olmur.

Ona görə də hər kim mənəvi məqamının yüksəlməsinə diqqət edərsə və qəlbi nurani olarsa, ancaq o zaman bu adı əldə edə bilər.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.