Dünyanın ən məşhur aktyorlarından biri, Hollivudun canlı əfsanəvi Al Paçinonun yeni sevgilisi var.
Milli.Az TMZ-yə istinadən bildirir ki, 78 yaşlı aktyor dünən Los-Ancelesdəki "Dan Tanas" restoranından 39 yaşlı yəhudi aktrisa və yazıçı Meytal Dohanla birlikdə çıxıb.
Aktyor Dohanla ötən aydan bəri görüşsə də, bu münasibəti faş etməməyə çalışırdı. İndi isə Al Paçino artıq heç nəyi gizlətməmək qərarına gəlib.
İsrailin məşhur aktrisalarından olan 39 yaşlı Meytal Dohan həm də yazıçıdır. O, "Eşq və digər zərərli vərdişlər" romanının müəllifidir.
M.Dohan əfsanəvi aktyorun artıq sabiq sevgilisi, argentinalı aktrisa Lüsila Soladan cəmi 2 yaş kiçikdir. L.Sola aktyor Leonardo Di Kaprionun yeni sevgilisi Kamila Morronenin anasıdır.
Al Paçino aktrisa və sabiq model Lüsila Sola ilə 6 il yaşayıb. Onu Al Paçino ilə son dəfə bu ilin aprelində, Meksikada birgə istirahətdə görüblər.
Lüsila Sola məşhur aktyorun qeyri-rəsmi nikahdakı xanımı sayılırdı.
Milli.Az