Yaponiyanın "Hayabusa 2" kosmik aparatı Ryugu asteroidinə göndərdiyi 2-ci aparatdan ilk görüntüləri əldə edib.
Milli.Az "ölkə.az"-a istinadən bildirir ki, gündoğar ölkənin Kosmik Tədqiqatlar Agentliyi Tvitter səhifəsində foto paylaşıb. Məlumata əsasən, "1A" və "1B" adlı aparatlar cazibə qüvvəsinin zəif olduğu asteroidin səthinə eniblər.
Bundan başqa ikinci aparat 1 km eni olan asteroid səthinin fotolarını Yerə göndərib.
"Hayabusa 2" 3.5 illik səfərdən sonra Ryugu asteroidinə çatıb. Aparat 2 illik fəaliyyətdən sonra götürdüyü nümunələrlə dünyaya geri qayıdacaq. Bu nümunələr isə Günəş Sisteminin yaranması ilə bağlı məlumatlara işıq tutacaq.
Milli.Az