Maraqlı

"Toyota" konserni Yaponiyadakı 16 zavodunun fəaliyyətini dayandırır

9 Sentyabr 2018 07:22
0 Şərh     Baxış: 1 421
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yaponiyanın nəhəng "Toyota Motor" avtokonserni bu ölkədə fəaliyyət göstərən 18 zavodundan 16-nın fəaliyyətini sentyabrın 10-dan etibarən dayandıracaq.

Milli.Az AZƏRTAC-a istinadən bildirir ki, buna səbəb kimi Hokkaydo adasında baş vermiş zəlzələ nəticəsində avtomobillərin hissələrinin istehsalında yaranmış problemlər göstərilir.

Məlumatda qeyd edilir ki, təbii fəlakət səbəbindən şirkətin Tomakomai şəhərində yerləşən və transmissiyalar istehsal edən zavodunda elektrik enerjisinin verilişi dayanıb. "Toyota Motor" bu dayanmanın Yaponiyada avtomobil istehsalına təsirini araşdırdıqdan sonra sentyabrın 11-də işin bərpası barədə qərar qəbul edəcək.

Şirkətin istehsal dövriyyəsinin dayanmasının səbəblərindən biri kimi həm də ötən həftə Yaponiyanın qərbində baş verən tufan göstərilir. Tufan zamanı şirkət ərazidəki bir neçə zavodunda gecə növbəsini ləğv etməyə məcbur olmuşdu.

Qeyd edək ki, Yaponiyada həm tufanın, həm də zəlzələnin nəticələrinin aradan qaldırılması istiqamətində işlər davam etdirilir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.