Maraqlı

Azərbaycanlı zəvvar Həcc ziyarətində tapdığı pulqabını sahibinə qaytardı

20 Avqust 2018 11:44

1 Şərh Baxış: 1 965

#SƏUDİYYƏ ƏRƏBİSTANI #PUL

Azərbaycanlı zəvvar Həcc ziyarətində tapdığı pulqabını sahibinə qaytarıb.

Milli.Az bildirir ki, Report-un "Saudi Gazette"yə istinadən verdiyi xəbərə görə, Abdulla adlı azərbaycanlı təvaf zamanı (Həcc vaxtı Kəbənin ətrafına saat əqrəbinin əksi istiqamətində dövrə vurmaq) pulqabını tapıb.

Pulqabında avro, Səudiyyə rialı və kredit kartları olub. O, pulqabındakı kartda göstərilən telefon nömrələri vasitəsilə onun sahibinin yaxınları ilə əlaqə saxlaya bilib.

Abdulla daha sonra pul kisəsini Avropa, Amerika və Türkiyədən olan zəvvarların işləri üzrə İdarəyə təhvil verib və pulqabını itirən fransalı zəvvar onu oradan götürə bilib.

Azərbaycanlının sözlərinə görə, 1974-cü ildə ilk dəfə Həcc ziyarətinə gəldikdə o, özü pul kisəsini itirib və sonrada Səudiyyə Ərəbistanı hüquq-mühafizə orqanları əməkaşları onu taparaq qaytarıblar: "İndi 44 il əvvəlin borcunu geri qaytarıram".

Fransız zəvvar isə pulqabının itirilməsinin onun üçün böyük çətinliklər yaratdığını, orada vacib sənədlər olduğunu bildirib və pul kisəsinin tapılması üçün Allaha dua etdiyini vurğulayıb.

Milli.Az