Maraqlı

Pilotsuz uçuş aparatı 26 sutka havada qalaraq dünya rekordunu yeniləyib

10 Avqust 2018 08:34
0 Şərh     Baxış: 756

"Airbus Defense & Space" kompaniyasının "Zephyr" pilotsuz uçuş aparatının təkmilləşdirilmiş versiyasının ilk sınaq uçuşu havada qalma müddətinə görə yeni dünya rekordu ilə yekunlaşıb.

Milli.Az AZƏRTAC-a istinadən bildirir ki, kompaniyanın saytında dərc olunmuş press-relizə əsasən, pilotsuz uçuş aparatı 26 sutkadan 3 dəqiqə az bir müddət ərzində havada qalıb.

Sınaqların bu aparatı hamıdan əvvəl silahlanmaya qəbul etməyi planlaşdıran Böyük Britaniyanın dəstəyi ilə həyata keçirildiyi bildirilir. "Zephyr" növbəti dəfə bu ilin sonunda Avstraliyanın qərbində havaya qalxmalıdır.

Qeyd edək ki, uçuş müddətinə görə bundan əvvəlki rekord da 14 sutka havada qalan "Zephyr" tərəfindən müəyyən olunmuşdu. Aparat günəş panellərindən qidalanan mühərriklə təchiz edilib.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.