Maraqlı

Arxeoloqlar "qızıl adam" tapdılar - FOTO

10 Avqust 2018 08:15
1 Şərh     Baxış: 4 094

Qazaxıstanın arxeoloqu Zeynolla Samaşev Şərqi-Qazaxıstan vilayətində "qızıl adam" sərdabəsi kəşf edib.

Milli.Az "ölkə.az"-a istinadən bildirir ki, sərdabə Tarbaqatay dağlarındakı Eleke Sazı kurqanında aparılan qazıntılar zamanı üzə çıxıb.

Antropoloqların fikrinə əsasən, sərdabə eramızdan əvvəl VIII-VII əsrlərdə yaşamış 17-18 yaşlı yeniyetməyə məxsusdur.

Onun paltarı qızıl saplarla işlənib. Boynunda isə xüsusi boyunbağı olub. Boyunbağı yeniyetmənin yüksək statusa sahib olduğundan xəbər verir. Skeletin yanında isə qızıl qabda xəncər və ox qabı var.
Tarbaqatay dağlarında arxeoloji qazıntılar iki il əvvəl başlayıb. Bir müddət əvvəl burada atlar üçün nəzərdə tutulmuş qızıl başlıq və zinət əşyaları tapılıb. Arxeoloqların fikrinə görə, tapılan əşyalar sakslar dövrünə aiddir. Bu, sübut edir ki, çöl adamlarının inkişaf etmiş mədəniyyəti olub.

İyun ayında isə Aktobe yaxınlığında inşaatçılar qumun içindən insan kəllə sümüyü və çoxsaylı qızıl əşyalar tapdılar. Ehtimal edilir ki, əşyalar və sümük hun döyüşçüsünə məxsusdur.

Milli.Az

Məqaləyə dair fotomateriallar:

loading...

Şərh yaz:

1 Şərh:

  • Anonim
    Qumru · 10 Avqust 15:0101

    Biz axtaranda tapmiriq,camaat qizil adam tapir...Yoldawimin gozunden iraq..)))

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.