Maraqlı

"Oskar" mükafatında yeni nominasiya

10 Avqust 2018 08:19
0 Şərh     Baxış: 530

ABŞ Kino Akademiyasının İdarə heyəti "ən yaxşı populyar kino" nominasiyasında "Oskar" mükafatı təqdim edilməsi, həmçinin mükafatlandırma mərasiminin televiziya versiyasını 3 saata qədər azaltmaq barədə qərar qəbul edib.  

Milli.Az oxu.az-a istinadən bildirir ki, bu barədə Kino Akademiyası üzvlərinin məktubunda deyilir.

Onlar yeni nominasiyada seçim kriteriyalarını dəqiqləşdirməyiblər və bunun bir qədər sonra baş tutacağını bildiriblər. 

Məktubda həmçinin qeyd olunur ki, "Oskar"ın elə də populyar olmayan nominasiyalar üzrə mükafatlandırma mərasimi TV ilə nümayiş olunmayacaq.

Həmçinin bildirilir ki, 92-ci mükafatlandırma mərasimi daha öncə müəyyən edilən kimi 2020-ci il fevralın 23-də deyil, fevralın 9-da baş tutacaq. 

Eyni zamanda 2019-cu ilin mükafatlandırılma mərasiminin tarixində heç bir dəyişiklik edilməyib və tədbir fevralın 23-də Los-Ancelesdə baş tutacaq.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.