Maraqlı

Britaniyada ilk kosmodrom Şotlandiyada tikiləcək

19 İyul 2018 08:31
0 Şərh     Baxış: 896
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Böyük Britaniya ərazisində ilk kosmodrom 2020-ci ildə inşa olunacaq. Tikinti meydançası kimi Şotlandiyanın Amhoyn yarımadası seçilib.

Milli.Az ICTnews-a istinadən bildirir ki, kosmodromun Dunrey nüvə poliqonunun 56 kilometrliyində Saterlend qraflığında inşası planlaşdırılır. Meydança kiçik peyklərin Yer səthinin müşahidəsi, eləcə də elmi maraq kəsb edən digər məlumatların toplanılması məqsədilə qütb orbitinə buraxılması üçün istifadə ediləcək.

Məlumata görə, obyektin tikintisi ilə Şotlandiyanın "Highlands and Islands Enterprise" (HIE) müəssisəsi məşğul olacaq. Artıq bu məqsədlə Britaniya Kosmik Agentliyi tərəfindən müəssisəyə 3,3 milyon dollar ayrılıb. Layihə üzərində, həmçinin, Böyük Britaniya hökumətinin 31 milyon dollar məbləğində qrant təqdim edəcəyi ABŞ-ın aerokosmik nəhəngi "Lockheed Martin" çalışacaq. Ümumilikdə hökumət tərəfindən kosmodromun inşası üçün 44,3 milyon dolların ayrılması nəzərdə tutulur.

Amhoyn yarımadasında əhalinin az məskunlaşdığı yerdə kosmodrom Birləşmiş Krallıq ərazisində ilk oxşar tikili olacaq. Şotlandiyanın şimal hissəsi belə məqsədlər üçün ideal yer hesab olunur: buraxılış uğursuz olacağı təqdirdə raketlər yaşayış məntəqələri üzərinə düşməyəcək. 

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.