Maraqlı

Qurani Kərimdən qısa və gözəl bir dua nümunəsi

17 İyul 2018 23:50
0 Şərh     Baxış: 2 842
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Quran ilahi maarif kitabıdır. Bu kitab insan həyatının bütün sahələrində onun əlindən tutur, onu zülmətdən nura çıxarır.

Milli.Az islaminsesi.info-ya istinadən bildirir ki, Quran maarifinin bir nümunəsi də insana dua ədəbini öyrətməsidir. Bəli duanın əsas şərti dua mərifətinə sahib olmaqdır. Çünki insan özünə və rəbbinə mərifət və agahlıq tapmadıqca qəlb və dil duaya gəlməz.

Quranın, bəndənin dilindən zikr olunan bir ayəsi də Şüəra surəsinin 83-cü ayəsidir:

رَبِّ هَبْ لِي حُكْمًا وَأَلْحِقْنِي بِالصَّالِحِينَ

"Ey Rəbbim! Mənə hökm (elm və hikmət) bəxş et və məni salehlərlə qovuşdur!"

Qeyd olunan bu ayə ulul-əzm peyğəmbər Həzrət İbrahimin dilindən zikr olunur. İbrahim (ə) Allahdan hikmət diləyir və onu saleh bəndələrə qovuşdurmasını istəyir.

"Hökm" sözü barəsində qeyd olunur ki, "hökm" sözü rəhbərlik, elm və mərifət, hikmət mənasında ola bilər. Lakin hökm, hikmətdən də üstün bir mənaya aid edilir. Çünki hikmət haqqla batili ayıran yeganə qüdrətdir. Höküm isə hikmət və agahlıqla haqqın icrasını həyata keçirmək deməkdir. (Təfsiri-nümunə)

Salehlər isə yaxşı əməl sahibləridir. Həmçinin o yaxşı əməllər ki, insana Haqq Təala tərəfindən kəramət, ləyaqət, fəzilət qazandırır. (Ətyəbul-bəyan təfsiri)

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.