Maraqlı

İsrail Aya avtomatik stansiya göndərəcək

14 İyul 2018 08:21
0 Şərh     Baxış: 794

ABŞ-ın "SpaceX" şirkəti İsrailin avtomatik stansiyasını Aya göndərəcək. Bu barədə "Space.com" portalı məlumat verib. "Falcon 9" raketdaşıyıcısı ilə həyata keçiriləcək buraxılış dekabra təyin olunub.

Milli.Az ICTnews-a istinadən bildirir ki, məlumata görə, modulun Ay səthinə enişi 2019-cu ilin fevralına planlaşdırılır. Layihə İsrailin özəl "SpaceIL" və dövlət "Israel Aerospace Industries" şirkətləri tərəfindən birgə hazırlanır.

Çəkisi 600 kiloqram təşkil edən aparat əvvəlcə "Google Lunar X Prize" layihəsi üçün hazırlanıb. O, Yer ətrafında elliptik orbitə çıxarılacaq, daha sonra Aya doğru uçuş trayektoriyasına keçəcək.

Əməliyyat uğurlu keçəcəyi təqdirdə İsrail Rusiya, ABŞ və Çindən sonra Ay səthinə avtomatik stansiya çatdıran dünyanın dördüncü dövləti sırasına daxil olacaq.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.