Maraqlı

Günahdan qorunmayan insan 12 yerdən zərbə alacaq

12 İyul 2018 21:20
0 Şərh     Baxış: 787

Günahın insana vurduğu ziyanlar haqqında çox söz demiş və çox eşitmişik. Ancaq onun ziyanlarını bir daha xatırlasaq və bizə necə bəlalar gətirdiyini bir daha yada salsaq, bəlkə də ondan çəkinər və onu tərk etməyə çalışarıq.

Günahın gətirdiyi ziyanlar:

1. Nemətin əldən getməsi. Allah insana çox sayda nemətlər vermişdir, ancaq çox təəssüf ki, insan günah edərək bu nemətləri bir-bir əldən verər. İmam Əli (ə) buyurur: "Allaha and olsun ki, heç bir millət nemətdən məhrum olmaz, məgər düçar olduğu günahlarına görə".

Milli.Az deyerler.org-a istinadən bildirir ki, Həzrət Peyğəmbər (s) buyurur: "Günahlar nemətləri dəyişdirər".

2. Bəlanın nazil olması. Günah insana çoxlu bəlalar gətirər. İmam Əli (ə) buyurur: "Günahlardan çəkinin ki, elə bir bəla və ya qıtlıq yoxdur, məgər günahlara görə olar. Hətta insan bədəninə daxil olan qaşınma, torpağın titrəməsi və sizi udması, ruh və cismə daxil olan müsibətlər belə".

3. İmanı aradan aparar. Ağıl və vicdan iki qardaşdır ki, insanı şeytandan (lən) qoruyar. Ancaq günah bu iki qardaşın arasını vurar və onların qardaşlıq bağlarını süstləşdirər. Quran buyurur: "Sonra isə çirkin işlər görənlərin aqibəti Allahın ayələrini təkzib etmək və onlara istehza etmək oldu". ("Rum" 10).

4. Ömrün qısalması. İmam Sadiq (ə) buyurur: "O kəslər ki, günahlarına görə ölürlər, təbii ölümlə ölənlərdən daha çoxdurlar".

5. Qəlbin qaralması. İmam Sadiq (ə) buyurur: "O zaman ki, insan günah edər, qəlbində qara nöqtə meydana gələr. Əgər tövbə edərsə, həmin nöqtə aradan gedər. Əgər günahları artarsa, qəlbi o qədər qaralar ki, artıq nicat tapa bilməz".

6. Qəlbin qəsavət bağlaması. İmam Əli (ə) buyurur: "Qəlblər sərt olmaz, məgər günahların çoxluğuna görə".

7. Günahı davam etdirmək və onda təkid etmək insana həm dünya və həm də axirət əzabları gətirər.

8. Dünya məhrumiyyətlərinə düçar olmaq.

9. Zillətə düşmək.

10. Ruzidən məhrum olmaq.

11. Zalımların onlara hakim olmasını qazanarlar.

12. Yaxşı əməllərin aradan getməsi baş verər.

Beləliklə deyə bilərik ki, insan əgər vaxtında tövbə etməzsə, günahlar ona çox sayda həm cismi və həm də ruhi ziyanlar vuracaq. Ancaq təkcə ona deyil, o cümlədən, bütün cəmiyyətə və hətta bəşərə. Təbii fəlakətlərin baş verməsinin səbəblərindən biri də insanların günahlarına görə tövbə etməməsidir.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.