Rusiyanın ən zəngin iş adamlarından biri, "Çelsi" futbol klubunun sahibi Roman Abramoviç İsraildədir.
Milli.Az Israel Hayom-f istinadən bildirir ki, 51 yaşlı milyarder İsrail vətəndaşlığı almaq niyyətindədir.
R.Abramoviçi bu qərara sövq edən səbəb onun Britaniya vizasının müddətinin uzaldılması ilə bağlı yaranmış çətinliklərdir.
Abramoviç hazırda Təl-Əvivin nüfuzlu və məşhur Neve-Sedek səmtində böyük malikanə tikdirir.
2015-ci ildə isə o, Neve-Sedekdə 25 milyon dollara "Versano" oteli və otelin ətrafındakı 1500 kvadrat metrlik ərazini satın almışdı.
Daha sonra o, İsraildə 4 startap şirkətini satın alıb.
10,8 milyard dollarlıq varidata malik R.Abramoviç İsveçrənin Vale kantonunda yaşamaq istəyirdi və İsveçrədə yaşam izni almaq niyyətində idi. Lakin İsveçrənin hakimiyyət dairələri Abramoviçə rədd cavabı veriblər.
Milli.Az