"SpaceX" şirkətinin yaradıcısı Elon Mask pilot missiyası həyata keçirəcək kosmik gəmi - "Crew Dragon"un yekun dizaynının fotosunu paylaşıb.
Milli.Az lent.az-a istinadən xəbər verir ki, gəmi Beynəlxalq Kosmik Stansiyaya ekipaj və yük daşıyacaq. Hazırda bu işlə Rusiyanın "Soyuz" gəmisi məşğul olur.
"Crew Dragon" 2013-cü ildən hazırlanır. Onu həm içəridən, həm də Yerdəki mərkəzdən idarə etmək mümkündür. Əsas testlər yekunlaşdıqdan sonra gəmi avqustda Kanaveral burnundakı kosmodroma göndəriləcək və sınaqlar orada davam etdiriləcək. 2024-cü ildə İ. Mask bu gəmi vasitəsilə Marsa ekspedisiya göndərmək fikrindədir.
"SpaceX" planlaşdırır ki, gəmini Yerə qaytararaq təkrar istifadə etmək mümkün olacaq. Şirkət 2015-ci ildə gəminin daxili dizaynını da nümayiş etdirmişdi.
Milli.Az
Videonu izləmək üçün şəklə klikləyin: