Maraqlı

Facebook Stories'ə səsli mesajlar funksiyası gəldi

21 May 2018 23:15
0 Şərh     Baxış: 711
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Facebook bugündən etibarən öz Stories bölməsinə 3 yeni funksiyanı əlavə edib. Lakin hələki sevinmək üçün tezdir. Çünki sözügedən funksiyalar hələki Hindistanda aktiv edilib. Həmin funksiyalar ilə aşağıdan tanış ola bilərsiniz.

- Səsli mesajlar: Bundan sonra istifadəçilər Stories-də rəngli fonlarla, fotolarla, stikerlərlə və əlavə mətnlə birlikdə səsli mesajlar da göndərə biləcəklər. Beləliklə Stories-dəki səsli mesajlar funksiyası istifadəçini klaviaturadan istifadədən azad edəcək.
- Milli.Az technote.az-a istinadən bildirir ki, Facebook Camera daxilində istifadəçinin Stories-də paylaşdığı foto və videoların saxlanması üçün bulud servis: Bu funksiya sayəsində istifadəçilər öz smartfonlarının daxili yaddaş həcmlərinə qənaət edə biləcəklər. Dünya üzrə bir çox istifadəçilər yeni fotolar paylaşmaq üçün öz cihazlarından köhnə fotoları pozmalı olurlar. Lakin həmin bulud servisində hansı yaddaş həcminin olacağı barəsində məlumat verilməyib.
- Stories-lər üçün arxiv: İstifadəçilər tərəfindən paylaşılmış və 24 saatdan sonra avtomatik pozulan Stories paylaşımları həmin arxivə düşəcək. Həmin arxivdən istifadəçilər öz Stories paylaşımlarını sosial şəbəkədəki ana səhifələrində paylaşa biləcəklər. Buna oxşar funksiya həmçinin Instagram Stories-də də var. Hindistanda aktiv edildikdən sonra bu yeni funksiyaların bütün istifadəçilər üçün də aktiv ediləcəyinə Facebook söz verib. Lakin bunun nə zaman olacağı bilinmir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.