PAOK-un prezidenti İvan Savvidi malik olduğu kompaniyalardan birini satmalı olub.
Milli.Az goal.az-a istinadən xəbər verir ki, rus əsilli yunan iş adamı "Donskoy tabak" adlı firmasını 1.76 milyard dollara "Japan Tobacco" şirkətinə satıb. Savvidinin Rusiyada hələ aktivləri qalır. Məsələn, pendir və ət məhsulları üçün paket istehsal edən ən böyük firma "Atlantis-Pak". "Tavr" ət, istilik və balıqçılıq kompleksi, "Akva-Don" mineral sular istehsal edən müəssisə də ona məxsusdur.
Qeyd edək ki, Savvidi 2012-ci ildən PAOK-u alıb. O, martın 12-si AEK-lə oyun zamanı hakimin qərarından qəzəblənib tapanca ilə meydana çıxmışdı.
Milli.Az