"SpaceX" şirkətinin rəhbəri Elon Mask innovasion ideyalar həyata keçirməyə davam edir.
Milli.Az lent.az-a istinadən xəbər verir ki, bu dəfə məşhur iş adamı "Qalaktikalararası media imperiyası" yaratdığını açıqlayıb və onu "Thud" adlandırıb. Bu barədə o, "Twitter"də yazıb.
E. Maskın nümayəndələri təsdiqləyiblər ki, "Thud" onun yeni layihəsidir. Lakin onlar əlavə hər hansı məlumat verməkdən imtina ediblər. "GoDaddy" domen bazasında "thud.com" ünvanı qeydiyyatdan keçib, lakin onun sahibləri barədə məlumat yoxdur.
Qeyd edək ki, daha əvvəl E. Maskın feyk (yalan) xəbərlər saytı "The Onion"u almaq istədiyi barədə xəbər yayılmışdı. Lakin bunun yerinə o, həmin saytın redaktorunu və aparıcı əməkdaşlarını gizli komediya layihəsi üçün işə götürüb.
Milli.Az