Müəyyən ərazidə yaşayan əhali arasında qalxanabənzər vəzin proqressiv böyüməsi və onun funksional aktivliyinin dəyişməsi ilə xarakterizə olunan bir uygunlaşma reaksiyasıdır.
Milli.Az hekimtap.az-a istinadən bildirir ki, müəyyən coğrafi ərazidə yaşayan populyasiyanın 10%-dan çox yod çatmazlığına bağlı QV-də böyümə varsa endemik ur olaraq adlandırılır.
Təsnifatı
Böyümə dərəcəsinə görə:
- Görülən və palpasiya edilən vəz yoxdur.
- I (a) - vəzidə zəif bir böyümə var, lakin görünmür;
- I (b) - vəzi əllənir, udma aktı zamanı və başı arxaya əydikdə görünür;
- II - boyunun istənilən vəziyyətində vəzi görünür;
- III - Boynun ön və yan tərəflərini dolduran vəz görünür.
Formasına görə:
- Diffuz və düyünlü
Klinik gedişinə görə:
- Toksik və qeyri-toksik
Rastgəlmə tezliyi
Ümumi populyasiyada ur 15,8% rast gəlinir. Qadınlarda kişilərə nisbətən 6:1 nisbətində olur. Yaş ilə ur arasındakı bağlılıq yod çatmazlığına və orqanizmin yoda olan tələbatına bağlıdır.
Etiologiya
- Qalxanabənzər vəzin həcminin böyüməsinə səbəb olan faktorlar:
- Kimyəvi və radioaktiv maddələrlə çirklənmiş zonalarda tiroid fermentlərin sintezində iştirak edən hormonların bloku baş verir.
- Strumogen təsirə malik sular, qida məhsulları, kimyəvi maddələr yodun neytrallaşmasına, onun orqanizm tərəfindən qəbulunun zəifləməsinə və hormon sintezində iştirak edən fermentlərə( peroksidaza) tormozlayıcı təsir göstərir.
- Yaş,hamiləlik,oral-kontraseptivlər, alkoqol, siqaret,A-avitaminoz, digər təsirlər.
Gedişi və ağırlaşmaları
- Vəzin həcminin böyüməsi nəticəsində aşağıdakı patologiyalar meydana çıxır.
- Ağır endemik zonalarda hipotireoz.
- Traxeya sıxılır, öskürək və dispnoe başlayır.
- Daha az halda qida borusu sıxılır, udma zamanı tıxanma hissi yaranır.
- Nadir halda N.recurrens sıxılarsa səs kobudlaşır.
- Damar sistemi- vidaci, körpücükaltı, hətta yuxarı boş veneya sıxıcı təsir göstərir. Döş daxili böyümədə sıxıcı təsir daha şiddətli olur. Xəstə əllərini yuxarı başı üstünə qaldırdıqda özünü pis edir, üzündə sianoz əmələ gəlir(Pemberton sindromu).
Kretinizm:
- Yod çatmazlığı vəziyyətinin kulminasiyası endemik kretinizmdir.
- Bu xəstəlik anadangəlmədir, hamilə qadınlarda, döldə qalxanabənzər vəzin aktivliyinin zəifləməsi nəticəsində yenidoğulmuş uşaqlarda mərkəzi sinir sisteminin formalaşmasının ciddi pozğunluqları meydana çıxır.
- Bu xəstəliyin yeganə profilaktika üsulu hamiləlik planlaşdırıldıqda kifayət qədər yod qəbulu hesab olunur. Yod azlığı olan regionlarda yaşayan uşaqlarda bəzən klassik endemik kretinizm yox, uşaqların psixi inkişafdan qalması - endemik - subkretinizm müşahidə edilir.
- Həmin uşaqların eşitmə və nitq qabiliyyəti pozulur. Qida rasionunda kifayət qədər yod olmaması yaşlı insanların fiziki və zehni iş qabiliyyətinin pozulması ilə nəticələnir.
Klinika
- Endemik urun klinik əlamətləri həmişə qabarıq, şiddətli olmur. Klinik əlamətlər endemik faktorun ağırlığından asılıdır.
- Məktəb yaşlı uşaqlarda qalxanabənzər vəzi böyüməyə başlayır, lakin heç bir şikayəti olmur. Cinsi yetişkənlik dövründə orqanizmdə hormonal sistem aktivləşdikdə qalxanabənzər vəzin həcmi görünə biləcək dərəcəyə çatır, şikayəti olmur, ancaq estetik görünüşü dəyişir.
- Qadınlarda xüsusilə hamiləlikdən sonra zaman keçdikcə qalxanabənzər vəz böyüməyə başlayır. Bu zaman daha çox psixoloji(Globus histericus) şikayətlər (boğulma hissi, boğazda sıxılma, əsəbilik və s.) xüsusilə qalxanabənzər vəziyə aid olmayan şikayətlər olur.
Diaqnostika
Şübhə
Boynun ön nahiyəsində şişkinlik, tənginəfəslik, boğulma və boğazda sıxılma hissi endemik ura şübhə yaradan göstəricilərdir.
Dəqiqləşdirmə
- Ailə anamnezi
- Boynun ön nahiyəsində şişkinliyin olması
- USM aparılmalı
- TSH yoxlanmalı;
- Retrosternal və intratorasik uru müəyyən etmək üçün KT aparılmalıdır.
- Endemik ur üçün sidikdə yodun miqdarı ölçülməlidır
Diaqnostik meyarlar
- USM-də vəzin həcminin artması
- Sidikdə yodun miqdarının normadan az olması
- TSH-ın normadan çox olması
- TSH yüksəksə anti-TPO və anti-TQ təyin edilməlidir. Eutiroid urda 15-20% hallarda anti-TPO, anti-TQ müsbət ola bilər.
- KT və MR-in intratorasik böyüyən qalxanabənzər vəzin aşkarlanması və həcminin təyinində xüsusi əhəmiyyəti var. Digər tərəfdən çox böyük urda traxeya, qida borusu, damarlara və ətraf toxumalara olan təzyiqi və bədxassəli şişlərdə invaziyanı müəyyən edir.
Müalicə
- Endemik urda illər uzunu qalxanabənzər vəzidə tədricən böyüdüyündən xüsusi şikayət verməzlər, ancaq estetik görünüşü dəyişdirir. Boyun orqanlarına (qida borusu, traxeya və damarlara) sıxıcı təsir göstərərsə 3 müalicə formasından biri seçilir
1. Dərman müalicəsi;
2. Cərrahi müalicə;
3. Radioyod müalicəsi
Milli.Az