Maraqlı

Acı xatirələri beyindən necə siləcəklər?

12 Mart 2018 23:33
2 Şərh     Baxış: 1 371

"The İndependent" yazır ki, alimlər "acı xatirələrin" beyindən "silinə" biləcəyini prinsip etibarilə sübut ediblər. Belə bir hadisə fantastika janrında çəkilmiş məşhur "Ləkəsiz zəkanın əbədi parıltısı" filmində təsvir edilib. Siçanlar üzərində aparılmış təcrübələrdən aşkar edilib ki, elektrik vurmasını xarakterizə edən səslə bağlı qorxulu xatirəni "yandırıb-söndürmək" mümkündür.

Lakin alimlər deyiblər ki, belə bir təcrübənin insanlar üzərində aparılması etik suallar doğurur və buna görə də hələ tezliklə baş verməyəcək. Bununla belə, onlar inanırlar ki, bu metoddan nə vaxtsa gələcəkdə, məsələn, bəzi insanlardakı "post-travmatik stress" pozuntusunun aradan qaldırılması və ya narkotik maddə aludəçiliyinə son qoyulması üçün istifadə edilə bilər.

Milli.Az musavat.com-a istinadən bildirir ki, Amerikanın Elmi Tərəqqi Assosiasiyasının Bostonda keçirilən illik konfransında çıxış edən professor Sheena Josselyn deyib ki, alimlər beynin "xatirələr yığılan konkret hüceyrələrini" aşkar ediblər. "Odur ki, biz indi xatirələrin cəmləşdiyi həmin nahiyəni hədəfləyə bilərik" - alim deyib və əlavə edib ki, beynin həmin hissəsində hüceyrələrin fəaliyyətini tormozlamaq mümkündür: "Bu, bir növ xatirələrin yaddaşdan silinməsidir".

Təcrübə zamanı "yaddaşı silinmiş" siçanlar elektrik səsinə elə də reaksiya verməyiblər. Bu da bəlli olub ki, beynin sözü gedən hissəsindəki hüceyrələrin yenidən hərəkətə gətirilməsi xatirələri və yaddaşı bərpa edir. "Beləliklə, biz yaddaşı istədiyimiz vaxt "yandıra" və istədiyimiz vaxt "söndürə" bilərik" - alim qeyd edib. Lakin onun fikrincə, yaddaşla birlikdə səhvlər və səhvlərdən öyrəndiymiz təcrübələr də silinə bilər.

Qeyd edək ki, insan beynində xatirələr "enqram" deyilən hissədə toplaşır. Bu hissədəki hüceyrələr müəyyən ardıcılıqla "atəş aça" bilir...

Milli.Az

loading...

Şərh yaz:

2 Şərh:

  • Anonim
    asi · 13 Mart 00:2011

    Kimin hansı xatirələrini silirlər silsinlər, amma mənim xatirələrimə toxunmasınlar).. Acılı şirinli hamısı mənə əzizdir)...

    Cavab yaz
  • Anonim
    Narcis · 13 Mart 00:2881

    Kaw mumkun olsada yararlana bilek.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.