Maraqlı

“Coca-Cola” 130 illik ənənəsini pozur

10 Mart 2018 22:50
0 Şərh     Baxış: 1 585

"Coca-Cola" 130 illik şirkət ənənəsini pozur. Belə ki, kompaniya tarixində ilk dəfə alkoqollu içki istehsal edəcək. Yeni məhsul ilk növbədə Yaponiya bazarı üçün nəzərdə tutulub.

Milli.Az facemark.az-a istinadən bildirir ki, bu barədə "Financial Times" yazıb.

Kompaniya meyvə dadları ilə alkoqollu içki bazarına daxil olmağı planlaşdırır. Məsələn, Yaponiyada "Chu-Hi" adlı müxtəlif meyvə dadında alkoqollu içkilər istehsal edilir. Onlar adıçəkilən bazarda məşhurdur və özündə 3%-dən 8%-ə qədər alkoqol saxlayır. "Strong Zero", "Highball Lemon" və "Slat" şirkətin rəqibləri sırasında olan brendlər olacaq.

"Coca-Cola" Yaponiya üzrə prezidenti Jorge Gardunu deyib ki, biz əvvəllər tərkibində daha az alkoqol olan məhsulları təcrübədən keçirtməmişik: "Belə həmlənin əsas səbəbi odur ki, kompaniya öz istiqamətlərinin xaricində yeni imkanlar axtarır".

Qeyd edilir ki, başqa ölkələrdə hələ ki, belə bir məhsulun istehsal edilməsi nəzərdə tutulmayıb.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.