Maraqlı

Dronlar maneələri daha yaxşı dəf edəcək

15 Fevral 2018 08:59
2 Şərh     Baxış: 594

Massaçusets Texnologiya İnstitutunun əməkdaşları pilotsuz uçan aparatlara sıx məskunlaşmış şəhərlər və anbar əraziləri kimi çətin keçilən yerlərdə saatda 20 km sürətlə uçmağa imkan verən xüsusi nanoxəritə hazırlayıblar.

Milli.Az ICTnews-a istinadən bildirir ki, yeni texnologiyanın başlıca xüsusiyyəti ondan ibarətdir ki, drondan yalnız bu və ya digər obyektin harada yerləşməsini və gözlənilməz hadisələrin nə vaxt baş verə biləcəyini yadda saxlamaq tələb olunur. Yəni alqoritmin ətraf mühit haqqında çoxlu məlumat toplamasına ehtiyac qalmır ki, bu da öz növbəsində bütün sistemin işinin sürətini xeyli artırır.

Texnologiya müəllifi, tələbə Piter Florensin sözlərinə görə, "qeyri-müəyyənliklərin müəyyənləşdirilməsinə" əsaslanan yanaşma pilotsuz uçan aparat insan, avtomobil və binaların mövcud olduğu mühitdə olan zaman ona maneələri daha yaxşı dəf etməyə kömək edir.

Alimlər texnologiyanı insanın indiyədək gördüyü bütün təsvirlərin yazıldığı kasetlə müqayisə edirlər: "Hər dəfə müəyyən ərazi üzərində uçan zaman dron yaddaşda bütün məlum informasiyanı bərpa edir və bu səbəbdən maneələrə tuş gəlmir", - P.Florens bildirib.

Milli.Az

Digər maraqlı xəbərlər Milli.Az-ın Facebook səhifəsində

Şərh yaz:

2 Şərh:

  • Anonim
    Rauf · 15 Fevral 09:2600

    Heç məqaləni oxumadım. Bir şey aydındır ki, hərbi sənayedə dronlar əvəzedilməzdir. Türkiyənin terororistləri necə vurduğuna və s. baxmısınız yəqinki.Amma dron poçt aparacaq, sürücüsüz avtobus olacaq, və ya avtomobilə ünvan veriləcək və o özü bu ünvana gedəcək və s, bilirsinizmi bunlar nə üçündür? Uzun müddət Qərb və Amerika digər dövlətləri kölə halında saxlayaraq məişət texniklarından tutmuş avtomobillərə kimi məhsulları satmaqla özlərinə yüksək həyat tərzi qura bildilər. İndi bu məhsulları artıq demək olar ki, hamı istehsal edə bilir. Ona görə elə layihələr lazımdır ki, bunu "kölə" dövlətlər yarada bilməsin və özü də iri həcmli maliyyə tələb etsin. Adlarını sadaladığımız "yeni xidmətlər" bundan ötrüdür.

    Cavab yaz
  • Anonim
    $.$.$. · 15 Fevral 09:4500

    kaş bu dronlardan dövlətimiz cox ala və Turklər terroristlərin yuvalarını darmadaqın etdiyi kimi bizim dronlar də erməni faşistlərini məhv edə. AMİN!

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.