Maraqlı

Klaviaturaya görə cinsi müəyyənləşdirəcək

15 Fevral 2018 08:01
0 Şərh     Baxış: 376

Yunanıstanın Demokrit Universitetinin mütəxəssisləri 75 könüllü (36 kişi və 39 qadın) seçərək onların kompüterinə 10 ay ərzində hər klaviş basılmasını qeydə alan xüsusi "IrecU" keylogger proqramları quraşdırıblar.

Milli.Az ICTnews-a istinadən bildirir ki,  toplanan faylların "IsqueezeU" statistik analiz proqramı ilə təhlili aparılıb. Proqram insanın mümkün korrelyasiyalarını mətnin müxtəlif yığılma xüsusiyyətlərinə görə qiymətləndirməyə imkan verib: klavişlərin basılma vaxtı, ayrı-ayrı hərflər arasında pauzalar və s.  

Analizdən məlum olub ki, bu xüsusiyyətlərin bəzisi həqiqətən cinslə nəzərəçarpacaq dərəcədə korrelyasiya edir. "Digital Investigation" jurnalında dərc edilən məqalədə alimlər bu xüsusiyyətlər arasında "N" və ondan sonra gələn "O", eləcə də "M" və "O" klavişləri arasında basılma pauzasını sadalayırlar. Tədqiqat müəllifləri bu fərqlərin səbəbləri ilə maraqlanmayıblar.

Məlumata görə, bu xüsusiyyətlərdən və onlarla əlaqədar çəki əmsallarından beş müxtəlif neyron şəbəkəsinin təlimi üçün istifadə olunub. Neyroşəbəkələr tezliklə istifadəçinin cinsini 78 faiz dəqiqliklə müəyyənləşdirə bilib. Onlar arasında ən yüksək nəticə isə 95 faizi ötüb.

Müəlliflərin fikrincə, belə analiz istifadəçinin cinsinin hiss edilmədən müəyyənləşdirilməsi - polis təhqiqatları və ya məqsədli reklam kampaniyalarının planlaşdırılması üçün alət ola bilər.

Milli.Az

Digər maraqlı xəbərlər Milli.Az-ın Facebook səhifəsində

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.