Maraqlı

Dünyanın ən etibarlı, möhkəm evi tikilir - FOTO

12 Fevral 2018 14:30
0 Şərh     Baxış: 2 433

Bu bina ən azı 2 min il qalacaq. Heç bir zəlzələdən və hətta raket hücumundan da qorxusu yoxdur.

İxtisasca astrofizik olan Stifen Haff belə deyir.

"f TF Concrete Forming Systems" şirkətinin sahibi S.Haff ABŞ-ın Missuri ştatındakı Sprinqfild şəhərinin yaxınlığında "The Pensmore Mansion" adlı malikanə tikdirir.

Milli.Az CBS-ə istinadən bildirir ki, 63 milyon dollara başa gələcək malikanə artıq indidən Birləşmiş Ştatların ən böyük evlərindən biri sayılır.

Zəlzələ, raket-bomba hücumuna qarşı səbatlı olan ev betondan tikilir.

Mərkəzi Kəşfiyyat Agentliyinin sabiq agenti olan Stiven Haff evinin inşasına 2008-ci ildə başlayıb. Binanın divarları bütünlüklə tökmə betondandır.

Divarlar xüsusi sistemlə təchiz olunduğundan daxili temperaturu iqlimə əsasən dəyişir. Malikanənin bal zalının hündürlüyü 10 metrdir.

"Evin layihəsini hazırlayanda xanımımın və qızımın təkliflərini də nəzərə aldım. Evin texniki detalları bütünlüklə mənə məxsusdur. Yerdə qalanların müəllifi isə ailəmdir. Dünyanın ən etibarlı, möhkəm evini tikirəm", - Stiven Haff söyləyib.

Binanın isidilməsində geotermal enerjidən və Günəş enerjisindən də istifadə olunur. Üstəlik, malikanə yağış suyunu içməli suya çevirən sistemə də malikdir.

"Pensmore" malikanəsinin dayaq sistemi bütünlüklə "Helik" adlı xüsusi hazırlanmış metal konstruksiyalardan ibarətdir.

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.