Maraqlı

Uşaq pudrasını ləkənin üstünə tökün və... - BUNLARI BİLMİRSİNİZ

22 Yanvar 2018 23:10
0 Şərh     Baxış: 2 989
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Uşaq pudrası yalnız uşaqlar üçün deyil. Ondan başqa məqsədlər üçün də yararlana bilərsiniz. Bu pudranın bir-birindən fərqli və praktik bir çox istifadə sahəsi var. Milli.Az ailem.az-a istinadən onlardan bəziləri ilə sizi tanış edir.

Kirpiklərinizə həcm qazandırar

Tuşun ilk qatını çəkdikdən sonra bir qədər pudra sürtün. Bir qat da çəkdikdən sonra kirpikləriniz daha uzun və həcmli görünəcək.

Dolaşan zəncirləri açır

Zəncir boyunbağı düyünləndikdə barmaq uclarınızı uşaq pudrasına batırın və ehtiyatla açmağa başlayın.

Quru şampun kimi istifadə edin

Saçlarınız yağlı görünürsə və yumağa vaxtınız yoxdursa, saç diblərinə uşaq pudrası səpin və masaj edin. Pudra tozları yox olana qədər darayın.

Yağ ləkələrini aparır

Geyimlərinizdə inadçı yağ ləkələrinin həm içinə, həm də üstünə uşaq pudrası töküb, 1 saat saxladıqdan sonra yuyun.

Ayaqlara yapışan qumlardan xilas edir

Çimərlikdə ayağınıza yapışan qumlardan xilas olmaq üçün qumun yapışdığı hissələrə uşaq pudrası tökün. Pudra dəridəki nəmi götürəcək və qumun dərhal tökülməsini təmin edəcək.

Yataq dəstlərini təzələyəcək

İsti gecələr üçün möhtəşəm bir üsul. Yataq dəstlərinizin arasına uşaq pudrası səpin. Bu üsulun verdiyi təravət və rahatlandırıcı qoxu sizə gözəl bir yuxu bəxş edəcək.

Dəri geyimlərinizin yeni görünməsini təmin edəcək

Dəri geyimlərinizin yeni görünməsini istəyirsinizsə, üzərinə pudra səpin. Sonra əskiylə silin.

Ev heyvanlarının tüklərini parladın

Ev heyvanlarını davamlı çimizdirmək əvəzinə arada bir tüklərinə körpə pudrası töküb masaj edin. Diqqət edin ki, göz və burun ətrafına tökülməsin.

Təraşdan əvvəl tətbiq edin

Ayaq və digər bölgələrinizi təraş etməzdən əvvəl pudra töküb yayın. Pudra təraşı ağrısız edəcək, eyni zamanda yumşaqlıq verəcək, dərinizin daha hamar olmasını təmin edəcək.

Ev heyvanlarının sidiyinin qoxusunu yox edəcək

Ev heyvanlarının sidiyinin qoxusundan xilas olmaq olduqca çətindir. Bunun qarşısını almaq üçün qoxu gələn yerə pudra tökün. Bir saatdan sonra tozsoranla təmizləyin. 

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.