Maraqlı

Yeni skanerli smartfon təqdim olunacaq

16 Dekabr 2017 07:11

0 Şərh Baxış: 452

#MARAQLI

ABŞ-ın kompüter komponentləri istehsalçısı olan "Synaptics" şirkəti ekranın alt hissəsinə qurulmuş "Clear ID" barmaq izi skanerinin işlək prototipini yaradıb. Bu texnologiya ilə təchiz edilmiş ilk smartfon 2018-ci ilin yanvarında təqdim ediləcək.

Milli.Az ICTnews-a istinadən bildirir ki, şirkətin mütəxəssisləri bildiriblər ki, "Clear ID FS9500" sensoru OLED ekrana malik istənilən cihazda ekranın alt hissəsində işləyə bilər. Barmaq izini müəyyənləşdirmək üçün sensor ekranı işıqlandıracaq və təsviri oxuyacaq. "Synaptics" şirkətindən bildirilib ki, sensor, hətta qalınlığı 1,5 mm-dək olan qoruyucu şüşələrlə də işləyə bilər. Məlumatların ötürülməsi TLS protokolu üzrə AES və ECC şifrləmə metodu vasitəsilə həyata keçiriləcək.

"Synaptics" şirkətinin məlumatına görə, "Clear ID" sensoruna malik ilk smartfon gələn ilin yanvarında keçiriləcək "CES-2018" sərgisində təqdim ediləcək.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini "Telegram"da izləyin