26 yaşlı çinli U Yunnin rufer və ekstremal kimi sosial şəbəkələrdə məşhurlaşmaq istəyirdi. O, Çinin müxtəlif şəhərlərindəki çoxmərtəbəli binaların, göydələnlərin damlarına, qaldırıcı kranlara dırmaşır, videolarını və selfilərini sosial şəbəkələrdə paylaşırdı.
Milli.Az South China Post-a istinadən bildirir ki, U-nun son video çəkmək istəyi faciə ilə nəticələnib.
Çinin Huan vilayətindəki Çanşa şəhərində yerləşən Huayuane Beynəlxalq Ticarət Mərkəzinin damına dırmaşmış U Yunnin aşağı sallaşaraq "çəkinmək" istəyirdi.
62 mərtəbəli binanın damından sallaşmış U iki dəfə çəkinəndən sonra yorulub.
O, aşağı düşməmək üçün çox səy göstərsə də, bir nəticə hasil olmayıb.
U düşüb və 28 metr aşağıdakı eyvana dəyərək həlak olub.
U Yunnin bu tryukun videosunu sevgilisi Szin Szinə göstərmək, sonra da qıza evlənməyi təklif etmək niyyətində idi.
Szin Szinin dediyinə görə, U Yunnin son videosunu sosial şəbəkələrdə paylaşmaqla 12 min dollar qazanmaq niyyətində idi.
Milli.Az
Videonu izləmək üçün şəklə klikləyin:
Digər maraqlı xəbərlər Milli.Az-ın Facebook səhifəsində
Milli.Az-ın ən mühüm və maraqlı xəbərlərini "Telegram"da izləyin