Türkiyəli məşhur repçi cütlük Sagopa Kajmer (Yunus Özyavuz) və Koleranın (Esen Güzel) 11 illik evliliyi başa çatıb.
Milli.Az "qafqazinfo"-ya istinadən xəbər verir ki, bu barədə Y.Özyavuz sosial mediada açıqlama verib.
Repçi həyat yoldaşına onun üçün etdiklərinə görə minnətdar olduğunu bildirib:
"20 illik ən dəyərli dostum, 11 illik həyat yoldaşım Esenlə yollarımızı ayırdıq. Bundan sonra hər ikimiz üçün tamam başqa həyat var. Ona görə də paylaşımlarınızda bizi bir-birimizə işarələməyin. Şərhlərinizdə üzücü olmayın".
Y.Özyavuz əlavə edib ki, layihələrinə də yalnız davam edəcək.
Milli.Az