Maraqlı

"Ağıllı" qıfıl hazırlanıb

20 Noyabr 2017 22:19
0 Şərh     Baxış: 1 026
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bağlamaların evə çatdırılması ABŞ-da hər il daha da populyarlaşır. Bu, həm də oğurluq hallarının sayını artırır. "Kickstarter" platformasında bağlamaları oğrulardan qorumaq üçün nəzərdə tutulmuş və barkod skaneri ilə təchiz edilmiş "ağıllı" qıfıl üçün vəsait toplanması kampaniyasına başlanılıb.

Milli.Az AZƏRTAC-a istinadən bildirir ki, "təhlükəsizlik sistemi"nin ideyası kifayət qədər sadədir. Evin divarında asma qıfılla bağlanan taxta sandıq yerləşdirilir. Kuryer bağlamanı gətirdikdə qıfıla quraşdırılmış skanerə barkodu yaxınlaşdırır. "BoxLock" barkoddan informasiyanı oxuyur və internetə daxil olaraq bağlamanın həmin şəxsə göndərildiyini və çatdırılmanın məhz həmin günə təyin edildiyini dəqiqləşdirir. Hər iki meyar uyğun gələrsə, qıfıl avtomatik açılır. Müştərinin mobil telefonuna bununla bağlı xəbərdarlıq göndərilir. Kuryer bağlamaları sandığa qoyaraq onu qıfılla bağlayır.

Hazırda sistem "Amazon", "FedEx", "UPS" və "USPS" çatdırılma xidmətlərinin proqramlarına uyğundur. Su keçirməyən qıfıl enerji yükləmədən 30 gün işləyir. "Ağıllı" qıfılı "Kickstarter"də 94 dollara əldə etmək olar. Qurğunun bazar qiyməti 129 dollar təşkil edəcək.

Kampaniya kifayət qədər vəsait toplayarsa, qıfıl 2018-ci ilin yay aylarında satışa çıxarılacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.