"Facebook" şirkəti Beynəlxalq Qırmızı Xaç Komitəsinin Meksika bölməsinə 1 milyon dollar ayıracaq.
Milli.Az lent.az-a istinadən xəbər verir ki, bunu şirkətin qurucusu və rəhbəri Mark Zukerberq özünün "Facebook" səhifəsində yazıb. O bildirib ki, yardım zəlzələdən zərər çəkənlərə kömək üçün sərf olunacaq: "Biz yerlərdə humanitar yardımların göstərilməsi üçün Qırmızı Xaça 1 milyon dollar ayıracağıq".
M. Zukerberq sosial şəbəkə vasitəsilə Meksikaya edilən yardımlardan komissiya tutulmaması üçün UNİCEF-lə əməkdaşlıq etdiklərini də söyləyib.
Xatırladaq ki, Meksikada sentyabrın 19-da baş vermiş 7,1 bal gücündə zəlzələ nəticəsində 230 nəfər ölüb.
Milli.Az