Tanınmış teleaparıcı Mələk Heydərova "Qarabağ" futbol klubuna dəstək məqsədilə fotosessiya etdirib.
Milli.Az bildirir ki, azxeber.com-un layihəsi çərçivəsində obyektiv qarşısına keçən teleaparıcı deyib:
"Bu gün "Qarabağ" "Kopenhagen"lə tarixi oyuna çıxır. Mən də sevimli klubumuza dəstək məqsədilə fotosessiya etdirmək qərarına gəldim. Əminəm ki, futbolçularımız bu gün uğurlu çıxış edəcək. Ancaq onu deyə bilərəm ki, "Qarabağ" qalib gəlsə də, gəlməsə də, bizim üçün qalibdir. Bu klub tarix yazmağı bacarıb".
Mələk Heydərova, həmçinin sosial şəbəkələrdə günün trendi olan "Qarabağ qalib gəlsə, nə edəcəksiz?" sualına da cavab verib: "Bu gün sosial şəbəkələrdə hərə bir fikir yazır. Mən də düşündüm ki, nə edə bilərəm. Ağlıma gələn ilk fikir bu oldu: ""Qarabağ" bu gün qalib gəlsə, ərə gedəcəm (gülür)".
Teleaparıcı, həmçinin deyib ki, yaxın zamanlarda yeni serialda rol alacaq, eyni zamanda televiziya verilişi ilə tamaşaçıların görüşünə gələcək.
Mələk Heydərovanın "Qarabağ"a dəstək fotosessiyasını təqdim edirik:
Milli.Az
Digər maraqlı xəbərlər Milli.Az-ın Facebook səhifəsində