ABŞ-ın Havay ştatının paytaxtı Honolulu şəhərində "Telefondan istifadə edən piyadaya pul cəriməsi" qanun layihəsi qəbul edilib. Bu, son zamanlar ağıllı telefonlara olan asılılığın aradan qaldırılması istiqamətində atılan addımlardan biridir.
Milli.Az AZƏRTAC-a istinadən bildirir ki, bununla da honolulular dünyada bir ilkə imza atıblar. Belə ki, Honoluluda yolu keçərkən telefondan istifadə edən piyadalar cərimələnəcəklər. Qəbul olunan yeni qanun layihəsinə görə, həmin piyadalara 75-99 ABŞ dolları məbləğində pul cəriməsi tətbiq ediləcək.
ABŞ Milli Təhlükəsizlik Şurasının yaydığı bəyanata əsasən, 2000-ci və 2011-ci illərdə 11 min 100-dən artıq adam yolu keçərkən yaralanıb. Yaralananların böyük bir qismi yolu telefondan istifadə edərək keçənlərdir.
Xatırladaq ki, Bakı ilə Honolulu uzun illərdən bəri qardaşlaşmış şəhərlərdir.
Milli.Az