Maraqlı

Bir dilim qızardılmış çörəklə başladı: İndi qapısında növbədir

11 Aprel 2026 00:35

Baxış: 2 128

VTB-də minimal faiz dərəcəsi ilə nağd kredit 9.9%-dən

#MARAQLI

Acı mayalı çörəyi kərə yağı ilə qızardıb peçenyeyə qatan şef, çörəkçilik dünyasını bir-birinə qatıb.

Milli.Az xəbər verir ki, hər şey bir dilim qızardılmış çörəklə başlayıb, indi isə çörəkxanaların qarşısında növbələr yaranır. Londonlu şirniyyatçı şef Lunqi Mlanqanın "Kərə yağlı tost peçenyeləri" sadəcə sosial mediada səs-küy salmayıb, eyni zamanda nəhəng peçenye zəncirlərini və Hollivud ulduzlarının da diqqətini cəlb edib.

Mlanqa uşaqlığımızın ən sadə ləzzəti olan kərə yağlı tostu mürəkkəb bir qənnadı məhsuluna çevirərək "Kərə yağlı tost peçenyeləri" kateqoriyasını ixtira edib.

Şef yaxşıca qızardılmış və kərə yağı ilə yağlanmış acı mayalı çörək dilimlərini mətbəx robotunda qırıntı halına gətirərək peçenye xəmirinə qatır. Bu üsul peçenyeyə xaricdən xırtıldayan bir toxuma, daxildən isə qeyri-adi bir çeynəmə hissi qazandırır. Qarışığa əlavə edilən qara bəkməz, miso və bəyaz şokolad isə bu ləzzəti tamamlayır.

Mlanqanın uğuru yalnız rəqəmsal baxış sayları ilə məhdudlaşmır. Məşhur aktrisa Hilari Daffdan komik Toni Beykerə qədər bir çox ad bu yeni axını müzakirə edir. Reddit istifadəçiləri nəhəng peçenye zənciri "Crumbl"ın "Cookie Lab" bölməsində Mlanqanın moruq mürəbbəli və acı mayalı reseptinə "təəccüblü dərəcədə bənzər" bir məhsulun göründüyünü iddia ediblər.

Lalə Qüdrətova
Milli.Az