Maraqlı

Türkiyədə hamı bu qoyunlardan DANIŞIR - VİDEO

20 Fevral 2026 12:05

Baxış: 2 858

VTB-də minimal faiz dərəcəsi ilə nağd kredit 9.9%-dən

#MARAQLI #HADİSƏ #VİDEO #TÜRKİYƏ #HEYVANLAR

Türkiyədə sosial şəbəkələrin gündəminə çevrilən maraqlı hadisə Trabzonda qeydə alınıb.

Milli.Az Türkiyə mətbuatına istinadən xəbər verir ki, tövlədən buraxılan qoyunların mikroavtobusun ətrafında toplaşaraq uzun müddət dairəvi şəkildə fırlanması hər kəsi təəccübləndirib.

Yayılan kadrlarda heyvanların sanki koordinasiyalı şəkildə eyni trayektoriya üzrə hərəkət etdiyi görünür. Görüntülər qısa zamanda viral olub və müxtəlif müzakirələrə yol açıb. Bəzi istifadəçilər baş verənləri paranormal hadisə kimi qiymətləndirsə də, mütəxəssislər məsələyə elmi izah veriblər.

Qeyd olunur ki, oxşar hal illər əvvəl Monqolustanda da müşahidə edilib. Həmin vaxt təsərrüfat sahibi əvvəlcə bir neçə qoyunun dairə yaradaraq dövrə vurduğunu görüb, daha sonra isə sürünün digər üzvləri də onlara qoşulub. Heyvanların bu davranışı günlərlə davam edib.

Aparılan araşdırmalar nəticəsində məlum olub ki, "Listeria" xəstəliyi belə davranışa səbəb ola bilər. "Listeria monocytogenes" bakteriyası ilə çirklənmiş yemlərin qəbulu heyvanlarda beyin iltihabına gətirib çıxarır. Bu isə onların istiqamət hissini pozur və dairəvi hərəkət etmələrinə səbəb olur.

Beləliklə, ilk baxışda sirli görünən hadisənin arxasında tibbi və bioloji səbəblərin dayandığı bildirilir.

Musa
Milli.Az