Maraqlı

Buna görə qapı və pəncərə önünə qəhvə çöküntüsü səpməlisiniz

7 Yanvar 2026 00:36

Baxış: 1 077

VTB-də minimal faiz dərəcəsi ilə nağd kredit 10.49%-dən

#MARAQLI

Çoxumuz içdiyimiz türk qəhvəsinin və ya filtr qəhvənin qalığını dərhal zibil qutusuna atırıq. Lakin mütəxəssislər bildirirlər ki, qəhvə telvəsi evinizi zərərli həşəratlardan qorumaq üçün ən təbii və təsirli üsullardan biridir.

Milli.Az xəbər verir ki, qəhvənin tərkibindəki güclü ətir və kofein bir çox həşərat üçün (xüsusilə qarışqalar, ağcaqanadlar və milçəklər) itələyici təsirə malikdir. Həşəratların qoxu hissi çox güclüdür və qəhvənin kəskin qoxusu onlar üçün dözülməzdir.

Necə tətbiq etməli?

İstifadə etdiyiniz qəhvənin qalığını bir qabda tamamilə qurudun (nəm qalsa kiflənə bilər).

Qurumuş çöküntünü pəncərə kənarlarına, qapı eşiklərinə və ya həşəratların evə daxil ola biləcəyi kiçik yarıqlara səpin.

Milçək və ağcaqanadları qovmaq üçün quru qəhvə qalığını kiçik bir qabın içində yandıra bilərsiniz. Çıxan tüstü həşəratları həmin ərazidən uzaqlaşdıracaq.

Soyuducuda bir qabın içində saxlanılan quru qəhvə qalığı xoşagəlməz qoxuları özünə çəkir.

Azotla zəngin olduğu üçün bəzi dibçək güllərinin torpağına qarışdırıldıqda bitkinin daha sürətlə böyüməsinə kömək edir.

Abraziv (sürtücü) quruluşu sayəsində tavadakı inadkar yağ ləkələrini təmizləmək üçün istifadə oluna bilər.

Kimyəvi spreylər həm insan sağlamlığına, həm də ev heyvanlarına zərər verə bilər. Qəhvə çöküntüsü isə tamamilə təbii, qənaətli və ekoloji təmiz bir həlldir.

Lalə Qüdrətova
Milli.Az