Maraqlı

İngilislər buna görə tualet duşu istifadə etmir

1 Noyabr 2025 23:31
Baxış: 4 023
VTB-də minimal faiz dərəcəsi ilə nağd kredit 9.9%-dən
#DÜNYADA

Dünyanın bir çox ölkəsində tualet gigiyenasında su ilə təmizlik standart halına gəldiyi halda, İngiltərədə vəziyyət fərqlidir. İngilislər tualet duşu istifadə etmirlər. Bəs bunun səbəbi nədir?

Milli.Az xəbər verir ki, Orta Şərq, Asiya və Aralıq dənizi ölkələrində su ilə təmizlik demək olar ki, ümumi bir adətə çevrilib. Lakin Qərb ölkələrində hələ də əsasən tualet kağızı istifadə olunur. İngiltərə də bu ölkələr sırasındadır.

Mütəxəssislərin fikrincə, bunun əsas səbəbi tarixi və mədəni vərdişlərdir. XIX əsrdə formalaşan İngilis tualet sistemi yalnız quru təmizlik prinsipi üzərində qurulmuşdu. Zamanla bu düşüncə o qədər köklənib ki, "suyla təmizlik" fikri bir çox ingilis üçün lazımsız və ya qəribə görünür.

İngiltərədə tualet duşunun yayılmamasının digər səbəbi evlərin infrastrukturudur. Xüsusilə köhnə binalarda tualetlərin su xətti əl-üz yuyandan ayrı sistemdə çəkilib. Bu da tualet duşu və ya su krantının quraşdırılmasını çətinləşdirir.

İngilis santexnika mütəxəssisi Tom Uilkinson məsələ ilə bağlı deyib: "İngiltərədəki evlərin çoxu 1950-ci ildən əvvəl tikilib. Bu evlərin tualetlərində isti su xətti yoxdur. Buna görə tualet duşu quraşdırmaq texniki cəhətdən çətin və baha başa gəlir."

Bu səbəbdən də İngilislər müasir duş sistemləri əvəzinə sadəcə tualet kağızından istifadə etməyə davam edirlər.

Türkiyə, Yaponiya, Cənubi Koreya və Hindistan kimi ölkələrdə suyla təmizlik əsas gigiyena qaydası hesab olunur. ABŞ, Kanada və İngiltərə kimi ölkələrdə isə tualet kağızı hələ də geniş şəkildə istifadə edilir.

Yaponiyada son illərdə həm gigiyena, həm də rahatlıq baxımından "ağıllı unitaz sistemləri" çox yayılıb. İngiltərədə isə bu texnologiyalar əsasən lüks otellərdə və yeni tikililərdə mövcuddur.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.